News & Events

o4-11-2023

ബസേലിയസ് കോളജ് അധ്യാപക- രക്ഷാകർതൃസമിതി വാർഷിക പൊതുയോഗം നടത്തി. തിരുവല്ല മാക്ഫാസ്റ്റ് പ്രിൻസിപ്പൽ പ്രൊഫ. ഡോ. വർഗീസ് കെ. ചെറിയാൻ മുഖ്യപ്രഭാഷണം നടത്തി. കേരളത്തിലെ വിദ്യാഭ്യാസം ഒട്ടും മോശമല്ല. ലോകരാജ്യങ്ങളിലെ വിവിധ ഉന്നത വിദ്യാഭ്യാസ സ്ഥാപനങ്ങളിൽ ജോലി ചെയ്യുന്നവരിൽ എറെയും ഇവിടെ പഠനം നടത്തിയിട്ട് പോയവരാണ്. കേരളത്തിലെ ഉന്നത വിദ്യാഭ്യാസത്തിൻ്റെ മേന്മകൊണ്ടാണ് അവർക്ക് അവിടെ ജോലിലഭ്യമായത് – അദ്ദേഹം പറഞ്ഞു. ജീവിത പരിണാമത്തിന് വേണ്ടിയാണ് വിദ്യാർത്ഥികളെ കോളജുകളിലേക്ക് അയയ്ക്കുന്നത്. നിരന്തര സമ്പർക്കത്തിലൂടെയും അറിവുകളിലൂടെയും ഓരോ മണിക്കൂറുകളിലും അവരിൽ മാറ്റങ്ങൾ സംഭവിക്കുന്നുണ്ട്. നിരന്തരമായി പ്രവർത്തിക്കുന്നവരാകണം വിദ്യാർത്ഥികളെന്നും ഓരോ കുട്ടിയുടെയും ഏറ്റവും നല്ല സുഹൃത്തുക്കളായി രക്ഷാകർത്താക്കൾ മാറണമെന്നും അദ്ദേഹം പറഞ്ഞു. ലഹരിയിൽ നിന്ന് മാറി നിൽക്കുന്നതിനുള്ള പ്രവർത്തനങ്ങളാണ് ഇന്ന് കോളജുകളിൽ നടക്കുന്നതെന്നും അദ്ദേഹം കൂട്ടിച്ചേർത്തു. പി.ടി.എ വൈസ് പ്രസിഡൻ്റ് പ്രൊഫ. സാജു ഏലിയാസ് അധ്യക്ഷത വഹിച്ചു. കോളജ് പ്രിൻസിപ്പൽ പ്രൊഫ. ഡോ. ബിജു തോമസ്, പി.ടി.എ സെക്രട്ടറി ഡോ. അനിറ്റ് എം. തോമസ്, പ്രൊഫ. ജെയ്മി സാറ ജേക്കബ് എന്നിവർ പ്രസംഗിച്ചു. ഈ വർഷം സർവീസിൽ നിന്ന് വിരമിക്കുന്ന അധ്യാപകരായ ഡോ. ജോജി എം. ഫിലിപ്പ്, ശ്രീമതി എൽസ സി. മരിയ സെബാസ്റ്റ്യൻ ,അനധ്യാപകൻ ഷിബു കെ. പുന്നൂസ് എന്നിവരെ യോഗത്തിൽ ആദരിച്ചു.